Komuna e Podujevës hap 22 pozita të reja të punës (Detajet)
Drejtoria për Arsim në Komunën e Podujevës ka shpallur konkurs publik për plotësimin e vendeve të lira të punës për pozitat Drejtor dhe Zëvendësdrejtor në shkollat fillore, të mesme të ulëta, gjimnaze dhe Institucione të Arsimit dhe Aftësimit Profesional (IAAP).
Sipas dokumentit zyrtar, konkursi përfshin 22 pozita në total, ku kërkohen drejtorë për shumicën e shkollave të fshatrave dhe qytetit, si dhe zëvendësdrejtorë në disa pika kyçe.
Shkollat ku janë shpallur pozitat:
Konkursi mbulon një gamë të gjerë të institucioneve, duke përfshirë:
• SHFMU: “Drita” (Majac), “Esad Mekuli” (Dobratin), “Kadri Kadriu” (Llaushë), “Eqrem Çabej” (Buricë), “Hasan Ramadani” (Shajkoc), “Shefki Kuleta” (Tërrnavë), “Xheladin Rekaliu” (Podujevë), “Dr. Ibrahim Rugova” (Podujevë), “Ali Hadri” (Obrançë), “Nuhi Gashi” (Bradash), “Afrimi e Fahriu” (Lluzhan), “Enver Maloku” (Podujevë), “Lasgush Poradeci” (Dumnicë) dhe “Shaban Shala” (Podujevë).
• IP (Institucionet Parashkollore): “Armela” dhe “Qerdhja e re në qytet”.
• Arsimi i Mesëm: Gjimnazi “Aleksandër Xhuvani” (Zëvendësdrejtor) dhe IAAP “Isa Boletini” (Drejtor dhe Zëvendësdrejtor).
Kushtet dhe dokumentacioni
Kandidatët duhet të kenë përgatitjen përkatëse universitare (Master ose Bachelor sipas normativit), të kenë të paktën 5 vite përvojë pune në arsim, si dhe të zotërojnë licencën e rregullt të mësimdhënësit. Një kusht specifik është edhe certifikata për trajnimin e udhëheqjes (Programi për kualifikim profesional për drejtorë).
Afati i aplikimit: Konkursi mbetet i hapur nga data 28.04.2026 deri më 27.05.2026.
Vlerësimi
Procesi i përzgjedhjes do të jetë i ndarë në dy faza:
1. Testi me shkrim: i cili përbën 50% të vlerësimit total.
2. Intervista me gojë: që përfshin 50% e mbetur (ku 30% i dedikohet prezantimit të konceptit të planit zhvillimor të shkollës dhe 20% portfolios profesionale).
Aplikacionet merren dhe dorëzohen në Qendrën për Shërbim me Qytetarë në Komunën e Podujevës çdo ditë pune nga ora 08:00 deri në 16:00.
