Komuna e Podujevës fton për debat publik për çështjen e drunjve përgjatë Rrugës “Zahir Pajaziti”

Komuna e Podujevës konkretisht Drejtoria për Planifikim Urban dhe Mbrojtje të Mjedisit u ka bërë ftesë për debat publik lidhur me çështjen e drunjve përgjatë Rrugës “Zahir Pajaziti”, në kuadër të realizmit të projektit Ndërtimi i bulevardit dhe sheshit “Sheshi i Dëshmorëve” në qendrën e qytetit, thuhet në një njoftim të zyrës për informim, transmeton portali PodujevaPRESS.com

Në njoftim thuhet:

Drejtoria për Planifikim Urban dhe Mbrojtje të Mjedisit e Komunës së Podujevës, më 06.02.2020 (e enjte), në orën 11:00 (në Sallën e Kuvendit në objektin e vjetër të Komunës) organizon debat publik lidhur me çështjen e drunjve përgjatë Rrugës “Zahir Pajaziti”, në kuadër të realizmit të projektit Ndërtimi i bulevardit dhe sheshit “Sheshi i Dëshmorëve” në qendrën e qytetit.

Debati me qytetarë organizohet me qëllim të marrjes së opinionit të qytetarëve dhe gjetjes së një zgjidhje më të mirë për një shesh më të bukur, në kuadër të projektit Ndërtimi i bulevardit dhe sheshit “Sheshi i Dëshmorëve” në qendrën e qytetit, i cili tashmë ka filluar të realizohet.