Komuna e Podujevës do të bëjë shpërndarjen e druve të zjarrit të konfiskuara, për familjet me gjendje të rëndë ekonomike

Kuvendi i Komunës së Podujevës ka mbajtur mbledhjen e rregullt, të cilën e udhëhoqi kryesuesi, Hilmi Hoxha, e ku ishte i pranishëm edhe kryetari i Komunës, Shpejtim Bulliqi, nënkryetarja e Komunës, Marigona Lahu dhe drejtorët e drejtorive, njofton PodujevaPRESS.net

Drejtori i Drejtorisë së Bujqësisë, Pylltarisë dhe Zhvillimit Rural, Fatmir Rudari prezantoi Propozim vendimi për shpërndarjen e druve të zjarrit për familjet me gjendje të rëndë ekonomike, ku theksoi se kjo masë drusore është e konfiskuar nga sektori përkatës i drejtorisë në bashkëpunim me Policinë nga dëmtuesit e pyejeve.

Kjo pikë mori mbështetjen e anëtareve dhe si e tillë u miratua.

Foto: Drejtori i Bujqësisë, Fatmir Rudari