Komandantja Supreme e vë në gjendje gatishmërie FSK-në për të ndihmuar në Kroaci (Dokument)

Vjosa Osmani, si ushtruese e detyrës së Presidentit të Kosovës i ka shkruar Presidentit të Kroacisë, Zoran Milanoviq pas tërmetit që goditi këtë shtet.

Përmes kësaj letre, Osmani e ka vënë në dispozicion ndihmën përmes Forcave të Armatosura të Kosovës nëse kjo kërkohet.

“Jam e gatshme të bëj gjithçka që varet nga unë për të ndihmuar autoritetet e Kroacisë dhe si Komandante Supreme e Forcave të Armatosura të Kosovës, do të doja që përmes kësaj ta ofrojë ndihmën tonë kurdo që na kërkohet”, thuhet në letër ndër të tjera,

“Si një forcë e shquar dhe e stërvitur mirë në misione të kërkimit dhe ofrimit të sigurisë, ne jemi në gjendje gatishmërie për ta ndihmuar popullin kroat në këto kohë të vështira”.