Vdes mamia llapjane Sanije Topanica, iu ndihmoi grave në lindje gjatë luftës
Kjo femër po i çmend talebanët
Ulur në shtëpinë e saj në Kabul, ku dy porta të çelikta ofrojnë siguri prej rrugës, Sharzad Akbhar po flet për kapërcimin e urrejtjes ndërmjet afganëve.
29-vjeçarja ka kryer studimet master në zhvillim në Universitetin e Oksfordit. Ka veshur një fustan beduin dhe një palë xhinse të ngushta, shkruan Der Spiegel, përcjell Koha Ditore.
Në janar, talebanët ia vranë njërin prej miqve më të ngushtë, zv-guvernatorin e Kandaharit, Abdul Ali Shamsi. Ai nuk ishte më i moshuar se ajo. Në ditën e vrasjes, ai ishte takuar me vizitorë nga Emiratet e Bashkuara Arabe.
Një bombë ishte fshehur nën kanapenë e zyrës. Sulmi la të vdekur edhe dymbëdhjetë persona të tjerë.
Shamsi dhe Akhbar kishin themeluar bashkërisht grupin e quajtur “Afganistani 1400”, lëvizje rinore, e cila angazhohej haptazi për dhënien fund të luftës civile në Afganistan. Ajo thotë se në ditën e vrasjes së mikut, një zëdhënës i talebanëve kishte marrë pjesë në një takim të lëvizjes.
