Vdes mamia llapjane Sanije Topanica, iu ndihmoi grave në lindje gjatë luftës
Kjo është gruaja që dyshohet se kreu vetëvrasje në Podujevë, kërceu nga kulmi i xhamisë
Një ngjarje e rëndë që ndodhi sot gjatë ditës ka tronditur jo vetëm qytetin e Podujevës, por edhe më gjerë. Një grua dyshohet se vendosi t’i japë fund jetës së saj duke kërcyer nga një lartësi në një objekt fetar në rrugën ‘Ali Ajeti’, raporton Gazeta Sinjali.
Sinjali mëson se viktima është K. I, 58-vjeçare.
E ndjera dyshohet se kishte hipur në kulmin e një xhamie dhe që aty kishte komunikuar me dy dëshmitarë të rastit. Më pas ajo dyshohet se ka kërcyer nga kulmi i objektit fetar, duke humbur kështu jetën si pasojë e lëndimeve të rënda që mori.
Njësiti mjekësor i emergjencës ka dalë menjëherë në vendin e ngjarjes, ku mjeku kujdestar pas ekzaminimit për shenjat vitale ka konstatuar se viktima ka ndërruar jetë.
Po ashtu në vendngjarje kanë dalë edhe njësitë policore, të cilët kanë kryer ekzaminimet e nevojshme, duke identifikuar viktimën me anë të mjetit identifikues të cilin e kishte në çantën e saj.
Vdes një 50-vjeçare në Podujevë pasi ra nga lartësia e një objekti
Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion dhe rasti është cilësuar ‘Hetim i vdekjes’.
