Vdes mamia llapjane Sanije Topanica, iu ndihmoi grave në lindje gjatë luftës
Kjo deklaratë do ta armiqësojë edhe më shumë Blerand Stavilecin me Vetëvendosjen (Video)
Zëdhënësi i Partisë Demokratike të Kosovës, Blerand Stavileci, ka vazhduar ta akuzojë Lëvizjen Vetëvendosje lidhur me sulmin që i është bërë gruas së tij javë më parë. Stavileci ka armiqësuar edhe më shumë raportet me VV’në, pasi ka thënë se zyrtarët e kësaj partie i kanë përdorur organet gjenitale si depo për ta futur gazin lotsjellës që u përdor në Kuvendin e Kosovës.
Zyrtarët e Vetëvendosjes “i shfrytëzojnë gratë që në pjesën e tyre më të ndishme, të organeve gjenitale, ta shfrytëzojnë si depo të materialeve me të cilat bëhen sulme në Kuvend”, ka thënë ai.
Kurse, Stavileci për sulmin ndaj gruas së tij ka fajësuar aktivistët e Lëvizjes Vetëvendosje, të cilët nisën sulmet me gurë, thyerjet e veturave dhe sulmet me molotovë kundër institucioneve të Kosovës.
http://www.dailymotion.com/video/x5zql6b
“Caku kam qenë unë”, ka thënë Stavileci në një intervistë për Rubikon të KTV-së.
“Në atë moment ata i thanë ‘t’ia përcjellësh burrin tënd që nëse vazhdon kështu njëjtë do t’ju ndodh të gjithëve’”, ka thënë Stavileci.
“Tash, ne kemi pasur një aktivitet të ngjeshur disa javësh dhe nuk kemi pasur një adresë tjetër përpos një subjekti politik të cilën ia kemi demaskuar shumë veprime në administratën publike”, ka thënë ai.
