Vdes mamia llapjane Sanije Topanica, iu ndihmoi grave në lindje gjatë luftës
Kinezët mbulojnë me para Baccan, ky është vendimi i kolumbianit
Carlos Bacca refuzon ofertë të majme nga Kina për të qëndruar në Milano, kështu thotë agjenti i kolumbianit
Sulmuesi kolumbian, Carlos Bacca, nuk dëshiron të largohet nga Milani. Bacca kërkohet nga Paris Saint Germaini, ish klubi Sevilla dhe klubi anglez West Ham United, por preferon të qëndrojë në “San Siro”, transmeton Gazeta Express.
Agjenti i lojtarit thotë se Bacca ka marrë oferta të mëdha edhe nga Kina, po sipas tij ai dëshiron Milanin e jo paratë.
“Bacca është i lumtur në Milan dhe klubi gjithashtu është i kënaqur me paraqitjet e tij, kështu që nuk ka arsye që ai të largohet nga San Siro”, tha fillimisht agjenti i lojtarit.
“Ka shumë ekipe që interesohen për Baccan. Kemi marrë oferta edhe nga disa klube kineze, të cilat kanë ofruar kontrata të mëdha, por klienti im kam vetëm një dëshirë: të luajë për Milanin – ta veshë këtë fanellë, që e bën shumë të lumtur”, shtoi më tej agjenti i lojtarit.
/PodujevaPRESS/
