Kina mund të nisë pushtimin e Tajvanit deri në fund të këtij viti, thotë SHBA

Kina mund të nisë pushtimin e Tajvanit deri në fund të këtij viti, duke përshpejtuar parashikimet e ekspertëve detarë për një sulm në vitin 2027, ka thënë Shefi i Operacioneve Detare të SHBA-së, Mike Gilday.

Parashikimi se Kina do ta pushtojë Tajvanin deri në vitin 2027 përkon me premtimin e presidentit kinez Xi Jinping, për ta sjellë Kinën në ballë të fuqisë globale deri më 2027.

Por, Gilday tha se pas vëzhgimit të ngjarjeve të vazhdueshme si lufta e Rusisë ndaj Ukrainës dhe përparimi i shpejtë ushtarak kinez, një konflikt me Pekinin mbi Tajvanin mund të ndodhë në çdo kohë.

Në përgatitje për një gjë të tillë, Gilday tha se Marina amerikane tani ka “sytë tanë në përgatitjen e vetes për një luftë të mundshme”.

Kina e konsideron Tajvanin një provincë të shkëputur dhe Xi ka thënë se prioritet i vendit të tij është “ribashkimi” me ishullin. Tajvani vetëqeverisës, megjithatë, pretendon pavarësinë.

Megjithatë, liderë të lartë amerikanë – përfshirë presidentin Joe Biden – kanë thënë se Uashingtoni do të vinte në mbrojtje të Tajvanit nëse Kina do të fillonte një pushtim ushtarak.

Kjo luftë mund të jetë sfiduese duke pasur parasysh anijen aktuale të Marinës së SHBA-së prej rreth 292 anijesh në krahasim me më shumë se 350 të Kinës. Një raport i Heritage Foundation tha se SHBA duhet të rrisë flotën e saj në mbi 400 anije për të konkurruar me Kinën, raporton NY Post, transmeton Klankosova.tv.

“Për t’u përgatitur për luftën e ardhshme, Marina ka përcaktuar një buxhet prej 27.5 miliardë dollarësh për ndërtimin e anijeve që tani po shqyrtohet nga Kongresi”, tha Gilday.