Milaim Ajvazi, shef i Shërbimit të Zjarrfikësve dhe Shpëtimit, foli për ndihmën, dhurimin e pajisjeve për zjarrfikësit e Podujevës nga KFOR-i.

Ajvazi tregoi, se njësiti i KFOR-i në Podujevë do të ndihmojë Brigadën e Zjarrfikësve në këtë qytet, me pajisje për zjarrfikës, me 30 palë këpucë.

“Kemi një bashkëpunim të ngushtë me njësitin e KFOR-it, ata na kanë ndihmuar në vazhdimësi, si me mjete për zjarrfikëse ashtu edhe me angazhimin e tyre në këtë fushë”, tha Ajvazi.

Ai sqaroi se këtë vit në komunën e Podujevës ka pasur numër rekord të zjarreve dhe tha se kjo brigadë nuk ka numër të mjaftueshëm të zjarrfikësve.

“Brigada jonë ka vetëm 16 zjarrfikës, kurse sipas numrit të banorëve komunës së Podujevës i duhen së paku 60 zjarrfikës”, tha Ajvazi.

Ai tha se Brigada e tij e zjarrfikësve ka një bashkëpunim të ngushtë me qytetarët lokal.

Kosova.Info