Këto janë dy punëtoret e Bankës Teb, që vdiqën në aksident |PAMJE

Një aksident i rëndë u mori jetën dy femrave, njëra punëtore dhe tjetra praktikante në Bankën Teb, natën e mbrëmshme. Aksidenti ndodhi në rrugë Prishtinë-Ferizaj, derisa po ktheheshin nga ndeja e fundvitit, raporton gazetametro.net.

Gazeta Metro mëson se bëhet fjalë për Kaltrina Hotin (31 vjeçe) dhe Learta Sopjanin (23 vjeçe).

Lajmin për vdekjen e tyre ka konfirmuar për Gazetën Metro edhe zëdhënësja e Policisë për Rajonin e Prishtinës, Flora Ahmeti.

Ahmeti bëri të ditur se dy pasagjeret nuk kanë mundur të përballojnë plagët e shkaktuara nga aksidentit dhe ne vend ngjarje  kanë ndërruar jetë.

“Sot rreth orës 02:00 në rrugën Prishtinë -Ferizaj ka ndodhur një vet aksident trafiku me pasoja fatale. Në ketë aksident ka qenë i përfshirë një automjet i tipit Pasat që për shkaqe të panjohura deri tani ka humbur kontrollin dhe është vetë aksidentuar. Lëndime të renda trupore kanë marrë katër persona, ngasësi dhe tre pasagjerë.

Dy nga pasagjerët nuk kanë mundur të përballojnë plagët e shkaktuara nga aksidentit dhe ne vend ngjarje  kanë ndërruar jetë.Viktimat janë L.S (femër) 23 vjeç dhe K. H ( femër ) 31 vjeç”, ka thënë Ahmeti.

Ndërkohë nga QKUK, për Metron, kanë bërë të ditur se edhe shoferi dhe një pasagjer tjetër, janë në gjendje shumë të rëndë.

“Të dy ata janë pavetëdije dhe ë gjendje të rëndë”, ka thënë për Metron, Nerxhivane Halimi , Specialiste e Mjekësisë Emergjente./