Këto janë datat dhe ora kur Ballkani, Drita, Gjilani e Llapi luajnë ndeshjet e kthimit në Evropë

Katër skuadrat që po e përfaqësojnë Kosovën në garat evropiane, Ballkani, Llapi, Drita e Gjilani, kanë përfunduar këtë javë raundin e parë të kualifikimeve në Ligën e Kampionëve dhe në atë të Konferencës.

Kampioni i Superligës së Kosovës, FC Ballkani e nisi me barazim 1:1 aventurën në Ligën e Kampionëve kundër skuadrës së Zalgiris, përcjellë KP.

Në anën tjetër, skuadra e Llapit rikthimin në garat evropiane e shënoi me humbje, pasi që u mposht 2:0 nga skuadra malazeze Buducnost.

Ndërkaq, humbje pësoi edhe skuadra e Dritës, e cila u mposht si mysafire e Inter Turkut me rezultat minimal 1:0.

Skuadra e vetme kosovare e cila korri fitore në Evropë ishte Gjilani i Zekirija Ramadanit, i cili mbrëmë e mposhti me rezultat 1:0 skuadrës letoneze, Liepaja.

Me këto rezultate skuadrat kosovare e mbyllin raundin e parë kualifikues në garat evropiane, ndërkaq më poshtë mund të gjeni orarin e ndeshjeve të kthimit të tyre.

Liga e Kampionëve

12 korrik ora 18:00, Zalgiris – FC Ballkani (stadiumi LFF)

Liga e Konferencës

12 korrik ora 20:00, Drita – Inter Turku (stadium Fadil Vokrri)

14 korrik ora 20:00, KF Llapi – Buducnost (stadiumi Fadil Vokrri)

14 korrik ora 16:00, FK Liepaja – Gjilani (stadiumi Daugavas).