Këta janë kandidatët për deputet nga dega e LDK-së në Podujevë

Lidhja Demokratike e Kosovës sot ka mbajtur mbledhjen e Këshilit të Përgjithshëm ku edhe aprovoi listën e kandidatëve për deputetë sa i përket zgjedhjeve parlamentare të 9 shkurtit 2025.

Këtë listë kreu i LDK-së Lumir Abdixhiku e ka quajtur si më përmbajtësorja e profesionalen që ka sot Kosova.

“Dhe ky votim i sotëm i juaji, do t’i sjellë qytetarëve tanë, votuesve e jetuesve të Republikës, listën më përmbajtësore, më profesionale e më unitare, që Kosova ka sot. Ajo në vete përmban jo vetëm propozimet që burojnë nga vet baza jonë, por mbanë dhe vendimmarrësit e ardhshëm, të katër viteve të ardhshme, të gjithë jetës institucionale e politike në vend”, ka shkruar Adixhiku në Facebook, të mërkurën.

Dega e LDK – Podujevë në listën e përgjithshme të LDK-së do të përfaqësohet me shtatë kandidatë për deputet të cilës i prinë kryetari i degës, dr. Ekrem Hyseni, transmeton PodujevaPRESS.net

Lista e degës së LDK-së në Podujevë do të përfaqësohet nga njerëz të dëshmuar dhe me bagazh politik, profesional dhe kombëtar. Po ashtu edhe llojllojshmëri të profileve, duke respektuar edhe përfaqësimin gjinor.

Kandidatët janë: Dr. Ekrem Hyseni, kryetar i Degës së LDK – së në Podujevë dhe anëtar i Kryesisë Qendrore, nënkryetari i degës Fehmi Zeqiri, Fatlume Jaha, kryetare e Forumit të Gruas LDK – Podujevë, Arjeta Salihu – Abazi, asambleiste dhe anëtare e Kryesisë LDK – Podujevë, Mustafë Abazi, afarist dhe veprimtar i LDK -së në Mërgatë, Valon Demolli, shef i Grupit të Këshilltarëve të LDK – Podujevë dhe anëter i kryesisë dhe Qendrim Softolli, asambleist dhe anëtar i Kryesisë së LDK-së në Podujevë.