Podujevë: I mituri kapet në flagrancë me armë zjarri, përfundon në Polici
Këta janë deputetët që u regjistruan sot
Edhe sot është duke vazhduar procesi i regjistrimit të deputetëve të Legjislaturës së VI-të të Kuvendit të Kosovës.
Gjatë tri ditëve që është kryer regjistrimi javën e kaluar janë regjistruar 112 deputetë derisa gjatë ditë së sotme është regjistruar edhe Liburn Aliu nga Lëvizja Vetëvendosje dhe Agim Aliu nga PDK-ja.
As njëri e as tjetri nuk janë prononcuar për mediat.
Në ndërkohë që në orën 14:00 pritet që të regjistrohet si deputet edhe kryetari i Nismas për Kosovën, Fatmir Limaj.
Derisa i nominuari për kryeministër nga Lëvizja Vetëvendosje, Albin Kurti nështë bërë e ditur se do të regjistrohet gjatë ditës së nesërme në orën 9:00.
Deputetët e tjerë që nuk janë regjistruar akoma janë Memli Krasniqi, Shqipe Pantina, Visar Ymeri dhe një deputet tjetër.
Mosregjistrimi i deputetëve deri tani nuk paraqet problem pasi Kuvendi ka bërë të ditur se kjo procedurë ka për qëllim të lehtësimit teknik pasi një gjë e tillë nuk është e paraparë me dispozitat e Kushtetutës të Republikës së Kosovës dhe as me dispozitat e Rregullores së Kuvendit.
Në një njoftim të Kuvendit thuhet se deputetët mund të dorëzojnë dokumentacionin e nevojshëm për administratën e Kuvendit në çdo kohë të përshtatshme për deputetin.
Andaj lëshimi i afatit të caktuar nga Kryesia e Kuvendit për regjistrimin e deputetit, nuk ka pengesa për pjesëmarrje të deputetit në seancën konstituive të Kuvendit.
