Këta anëtarë të Kuvendit u votuan që të jenë në Ndërmarrjen Publike “Pastrimi” dhe Stacioni i Autobusëve në Podujevë

Kuvendi i Komunës së Podujevës ka mbajtur mbledhjen e rregullt, të cilën e udhëhoqi kryesuesi, Hilmi Hoxha, e ku ishte i pranishëm edhe kryetari i Komunës, Shpejtim Bulliqi, nënkryetarja e Komunës, Marigona Lahu dhe drejtorët e drejtorive, njofton PodujevaPRESS.net

Për pikën Propozim vendimi për ngritjen e komisionit komunal të aksionarëve të Ndërmarrjes Publike –   Kompania Regjionale e Mbeturinave “Pastrimi” sh.a. për anëtarë të komisionit u propozuan Drita Pajaziti (LVV) dhe Mimoza Abdullahu (PDK) të cilat morën mbështetjen me 17 vota pro.

Ndërsa për  Propozim vendimi për ngritjen e komisionit komunal të Aksionarëve të Ndërmarrjes Publike –   Stacioni i Autobusëve Podujevë për anëtarë të komisionit u propozuan Endritë Murati dhe Artrit Mulliqi, të cilët morën mbështetje të mjaftushme nga anëtarët e kuvendit.