Kështu u këndohej djemve nëpër kënaxhexhe në Llap para 40 vite, të cilët e pinin duhanin

Ndër format e krijimtarisë muzikore folklorike të trevës së Llapit, të cilat përveç këngëve të punës, janë edhe ato të dasmave, kanagjeqeve, çobaneshave, këngët malësore , njofton PodujevaPRESS.

Regjistrimi i këtyre këngëve që i këndoheshin  dhëndrit nëpër dasma e kanagjeqe, janë incizuar në vitin 1976 në Podujevë.

Mos u en, more djalë , natën me cigare-o

kan ba be, o djalë, kanë me t’ba patare.

Hajt dylbere-o, mos kije dert-e

bicikletën-o, sall e luej apet- o.

Mos kërko, more djalë, natën nëpër hanë-e o,

kanë ba be, o djalë, tybe me të nxanë -e, o,

hajt dylbere-o, mos e kie dert-e, o.

bicikletën-o, sall e luej apet-e o.

Luje dorën, djalë, sallë, moj luje thikën-o,

n’kofsh i zoti, o djalë, sall m’i grabitë çikën.

Luje thikën, o djalë, sall, moj, lujeje dorën-o,

n’kofsh i zoti, o djalë, oh, m’e luejtë pishtolen, e oo.

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU

(Redaksia e portalit informativ PodujevaPRESS ka përmbledhur pjesë të shkrimeve për jetë dhe të kaluarën e banorëve të Podujevës nga punime të ndryshme shkencore. Qëllimi i këtij shkrimi ishte të dalin në dritë informata dhe brezat e rinj llapjanë të din më shumë për banorët e kësaj treve, dhe ë parët e tyre), ndërsa foto është ilustruese.