Kështu financohet PDK-ja (Dokument)

Partia Demokratike e Kosovës publikon raportet financiare, sipas premtimit që e ka bërë një ditë më parë Kryetari Kadri Veseli.

Buxheti i Partisë Demokratike të Kosovës është ndarë nga Fondi për Demokratizim, që është në kuadër të buxhetit të Komisionit Qendror të Zgjedhjeve (KQZ) dhe u ndahet të gjitha subjekteve parlamentare sipas numrit të deputetëve.

Partia Demokratike e Kosovës, që nga themelimi e deri më tash, i ka dorëzuar në Komisionin Qendror të Zgjedhjeve të gjitha raportet financiare.

Të bashkëngjitur, mund t’i gjeni katër raporte, të ndara në tremujore, për buxhetin e vitit 2015 të Partisë Demokratike të Kosovës.

Sipas afateve ligjore, PDK do t’i publikojë raportet financiare të vitit 2016 më së largu deri më 31 mars të këtij viti.