Këshilli i Bashkësisë Islame në Podujevë uron qytetarët llapjanë për Ditën e Çlirimit

Në një njoftim për medie Këshilli i Bashkësisë Islame në Podujevë në krye me Bekim Jasharin kryetar, ka uruar qytetarët e Podujevës me rastin e 18 vjetorit të çlirimit, transmeton PodujevaPRESS.com.

Kjo është komunikata e plotë:

Me rastin e ditës së çlirimit të Komunës sonë

Këshilli i Bashkësisë Islame në Podujevë me rastin e 19 Qershorit ditës së çlirimit të Podujevës, uron gjithë qytetarët llapjanë, me lutjen te Zoti i gjithësisë që lumturia, paqeja dhe harmonia të mbretërojnë në familjet tona. Këshilli i Bashkësisë Islame në Podujevë kujton me respektin më të lartë figurat e ndritura të kombit tonë, luftën e lavdishme të Ushtrisë Çlirimtare të Kosovës si dhe sakrificën shekullore të parëve tanë për liri. Mirënjohje e veçantë edhe për miqtë tanë me në krye Shtetet e Bashkuara të Amerikës dhe Nato-në, që u rreshtuan fuqishëm në mbrojtjen dhe çlirimin tonë.
Qoftë e ndritur e ardhmja jonë
URIME
Kryetari 
Mr. Bekim Jashari