Kërkohet që Policia dhe Inspeksioni të intensifikojnë mbikëqyrjen e gjithë atyre që janë në vetiziolim dhe të familjarëve të tyre në Podujevë

Në mbledhjen e Shtabit Emergjent të Komunës së Podujevës, të cilën sot e udhëhoqi drejtori i Shëndetësisë dhe Mirëqenies Sociale, Zaim Thaçi, u diskutua rreth zbatimit të masave mbrojtëse ndaj COVID-19 dhe gjendjen e përgjithshme epidemiologjike në Komunën e Podujevës.

Për statistikat aktuale dhe situatën epidemiologjike në Komunën e Podujevës, antarët e Shtabit Emergjent, i informoi epidemiologia, Bedrie Rama, e cila tha se situata me COVID-19 në komunën tonë ditëve të fundit ka një rënie të lehtë në numrin e të infektuarëve, pra mund të themi që kemi shenja të lehta pozitive drejt përmirësimit të gjendjes.

Statistikat aktuale në Komunën e Podujevës janë gjithsej 285 raste të shëruara, 147 raste aktive dhe 12 raste exitus.

Komandanti i Stacionit të Policisë në Podujevë, Bekim Zogiani, tha se ekipet policore janë vazhdimisht në teren, duke përcjellur gjendjen rreth respektimit të masave dhe rekomandimeve nga IKSHPK dhe MSH.

Ai tha që numri i fletparaqitjeve secilën ditë në rritje dhe Policia e Kosovës mbetet e përkushtuar që të gjithë ata qytetarë apo biznese të cilët nuk i respektojnë masat do të përballen me ligjin.

Sipas Shtabit Emergjent, shqetësuese vazhdon të mbetet grumbullimi i njerzëve në raste siç janë : bizneset e fushës së gastronomisë që frekuentohen në numër i madh i qytetarëve, dasmat, varrimet dhe pritjet e të pameve apo ngushëllimet.

Drejtori i Inspeksionit, Durim Salihu tha se janë katër ekipe të inspektorëve në teren të cilat çdo ditë po përcjellin gjendjen dhe respektimin e masave dhe rekomandimeve të IKPSHPK dhe MSH.

Ishte qëndrim i përbashkët që të vazhdohet me angazhim dhe kordinim të secilit digaster, të përforcohet ekipa anti COVID-19 në QKMF dhe Policia dhe Inspeksioni të intensifikojnë mbikëqyrjen e gjithë atyre që janë në vetiziolim dhe të familjarëve të tyre.