Peci dorëzohet para presionit publik: Anulon grantet për këshilltarin e tij dhe
Kërkohet “pushim i lindjes” edhe për burra në Podujevë
Organizata Demokraci për zhvillim D4D po kërkon që edhe burrat të përfshihen në Ligjin e ri të punës kur bëhet fjalë për pushimin prindëror pas lindjes së fëmijëve. Në këtë tryezë me temë “Leja prindërore: pikënisje për riformësim të tregut të punës”, është thënë se kjo çështje kontribuon në barazinë gjinore, duke ua mundësuar të dy prindërve që të qëndrojnë me fëmijën e porsalindur për një periudhë të caktuar.
Sipas Ajete Kërqelit, menaxhere e këtij projekti, këto propozime kanë ardhur pasi tashti është duke u përgatitur Ligji i ri i punës dhe se ai duhet të harmonizohet edhe me ligjet e BE-së. Sipas saj, në një hulumtim 32 për qind e meshkujve kanë pranuar se do të qëndronin në shtëpi me fëmijën e porsalindur nëse do t’u jepej pushim me pagesë për një periudhë nga 1 deri në 3 muaj. Ideja për t’u mundësuar edhe meshkujve pushim “të lindjes” është mirëpritur edhe nga Luljeta Demolli nga Qendra për Barazi Gjinore.
“Ligji po bëhet i ri dhe ne dëshirojmë që të kemi një pushim-leje prindërore edhe për burrat dhe të kemi një harmoni të ligjeve me ato të BE-së dhe fëmijët t’i rrisim bashkë me burra. Burrat e rinj dëshirojnë të jenë afër fëmijëve. Ne kemi kërkuar që 1 muaj pushim me pagesë edhe për banane, po ashtu një pushim të përbashkët që të dy prindërit të kujdesen për fëmijën”, është shprehur Demolli.Koha.net /N.Tovërlani.
