“Kërcënimet” e Autoritetit Kosovar të Konkurrencës kryjnë punë, berberët në Podujevë nuk i ngrisin çmimet

Divizioni anti kartel në kuadër të Autoritetit Kosovar të Konkurrencës pas lajmit në media se berberët në Podujevë kanë bërë marrëveshje për ngritje të çmimeve, ata kanë dal në teren dhe pas bisedave me ta, u arrit që të anulohet marrëveshja e tyre, thuhet në një njoftim për medie, transmeton portali PodujevaPRESS.com

Burimet e PodujevaPRESS tregojnë se pas daljes në teren të inspekcionit komunal së bashku me zyrtarët e Autoritetit Kosovar të Konkurrencës, berberëve u është bërë me dije se ata i presin denime shumë të mëdha për një marrëveshje të till, prandaj edhe berberët janë pajtuar që të mos ketë ngritje çmimesh në këtë kohë.

Ky është njoftimi:

Komunikatë për medie,

Divizioni anti kartel ne kuader të Autoritetit Kosovar të Konkurrecës, morri në pyetje organizatorët të cilët tentuan ta ngrisin çmimin e qethjes në komunen e Podujves në form të bashkërenduar apo kartel.

Me që rast marrëveshja për fiksim të cmimit, nga vet organizatoret u tërhoq dhe u shpall NULL.

Ngritja apo ulja e çmimit të produkteve dhe të shërbimeve në një ekonomi të tregut bëhet në mënyrë individuale dhe në këtë form, qdo ndërmarrje është ne suaza të ligjit. Ndërsa grupimi i ndërmarrjeve që kanë për qëllim arritjen e marrëveshjeve për caktim të çmimit, është shkelje e rëndë ligjore dhe Autoriteti Kosovar i Konkurrencës në këtë rrafsh është i pa-kompromisë.

Meqenëse marrëveshja nuk ishte në fuqi, Autoriteti nuk do të filloj procedura hetimore ndaj berbereve të Komunës së Podujevës.