Katër skenaret politike të javës së ardhshme!

Drejtori i KDI-së, Ismet Kryeziu ka thënë se java e ardhshme do të jetë tepër dinamike sa i përket zhvillimeve politike.

Ai në një shënim në Facebook tha se java e ardhshme do të sjellë katër alternativa para PDK -së e LDK-së për të dalë nga situata aktuale politike, raporton Gazeta Blic.

Shënimi i plotë:

Demarkacioni dhe Mocioni i Mosbesimit, dy veprime të cilat gjatë javës mund të nxjerrin katër alternativa politike të PDK-së dhe LDK-së si dalje nga situata.

Versioni i parë i zgjedhjeve të parakohshme përmes vetë shpërndarjes se Kuvendit (mund të ndodhë nesër e Hënë, ose edhe të Mërkurën apo dhe gjatë javës pas dështimit të mocionit).
b). Të ftohet seanca e jashtëzakonshme për ratifikimin e demarkacionit, dhe të mos ketë vota të mjaftueshme për ta arritur ratifikimin, kjo i hap rrugë PDK-se dhe LDK –që gjatë po të njëjtës ditë me marrëveshje të ftojnë edhe një seancë të jashtëzakonshme dhe të vetëshpërndahet Kuvendi.

Versioni i dytë zgjedhje të parakohshme përmes mocionit të mosbesimit (e mundshme të ndodhë pas dështimit te demarkacionit apo edhe para se të votohet demarkacioni dhe ta dërgoi qeverinë në shtëpi).
a). Të mërkurën siç edhe është paralajmëruar është seanca e kuvendit me të piken e vetme në rend të ditës, mocionin e mosbesimit të iniciuar nga opozita për shkarkimin e qeverisë. Mocion i përkrahur dhe nga disa deputetë të PDK-së, kjo mundë ta qojë këtë qeveri në shtëpi nëse të mërkurën gjen përkrahje dhe nga PDK –ja apo dhe deputet në mënyrë individuale nga PDK-ja e LDK-ja.

Versioni i tretë për të tejkaluar Qershorin si muajin e zgjedhjeve të parakohshme.
a). Të ratifikohet versioni aktual i demarkacionit dhe koalicioni të vazhdojë qeverisjen duke e tejkaluar qershorin si muaj i zgjedhjeve të parakohshme (ndoshta deri në përfundim të mandatit të rregullt apo organizim të përbashkët të zgjedhjeve parlamentare me ato lokale).
a). Të dështoj votimi i mocionit dhe ratifikimi i demarkacionit edhe partnerët e koalicionit të vazhdojnë mandatin qeverisës deri në një situatë tjetër (ndoshta deri në përfundim të mandatit të rregullt apo organizim të përbashkët të zgjedhjeve parlamentare me ato lokale).