Sherr familjar në Podujevë – Arrestohet një person për dhunë dhe dëmtim

Kapen katër persona në rrugën Podujevë-Prishtinë, iu gjet drogë në vlerë të 15.000 eurove
Policia e Kosovës i ka arrestuar katër persona pasi dyshohet se janë marrë me shitblerjen e narkotikëve. Nëpërmjet një operacioni, Policia i ka ndaluar dy vetura që lëviznin në rrugën Prishtinë-Podujevë, ku në të dyja ka gjetur substancë narkotike.
“Me datë 24.03.2025 Drejtoria për Hetimin e Trafikimit me Narkotik – Prishtinë pas një pune operative kanë ndaluar një automjet të dyshuar në magjistralen Prishtinë- Podujevë në të cilën ndodheshin 2 të dyshuarit meshkuj kosovarë. Gjatë kontrollimit të veturës është gjetur një sasi e substancës narkotike e llojit marihuanë me peshë prej 10.4 gram, personat e dyshuar janë shoqëruar në stacion policor. Operacioni policor ka vazhduar tutje për identifikimin e veturës së dytë të dyshuar dhe personave të tjerë të përfshirë në rast dy të dyshuarit meshkuj kosovarë të cilët përkundër tentativës për të ikur dhe pas hedhjes së substancës narkotike në tokë në sasi prej 420.2 gram të njëjtit janë arrestuar nga hetuesit policor”, thuhet në njoftimin e Policisë.
Vlera e substancës parashihet të jetë rreth 15.000 euro.
Dy prej të dyshuarve janë dërguar në mbajtje për 48 orë, ndërsa dy të tjerët janë liruar në procedurë të rregullt.
