Kadri Veseli, tregon se kur do të formohet Qeveria e Kosovës

Marrëveshja e arritur ndërmjet koalicionit PAN dhe AKR-së, është nënshkruar para pak minutash ndërmjet krerëve të këtyre subjekteve.

Më këtë rast kryesuesi i listës PAN, Kadri Veseli ka thënë se kjo marrëveshje është në të mirë të qytetarëve të Kosovës.

“Urime gjith qytetarëve të Kosovë, është një marrëveshje për qytetarët tonë, dhe gjithashtu është një marrëveshje për orientimin tonë perëndimor dhe perspektives së Kosovës. Besojmë shume se do ti implementojme obligimet në rrugëtimin tonë karshi integrimeve euroatlantike dhe rrugëtimit tone drejte bashkimit evropian është i pa lëkundshëm, sovraniteti dhe përmirësimi i jetës së qytetarit tonë janë prioritetet e kësaj qeverie”, ka thënë Veseli.

Ndërkaq i pyetur se kur do të formohen institucionet, Veseli është përgjigjur se kjo është çështje ditësh, jemi këtu me mandatarin për kryeministër të Kosovës, z, Ramush Haradinaj, me z,Fatmir Limaj edhe me presidentin Behxhet Pacolli, si dhe partneret tjerë, ku të gjithë bashkërisht do të ulemi të bisedojmë dhe do të sjellin shumë shpejtë një datë.  /Indeksonline/