Kadri Kastrati flet për ambiciet e tij në PDK

Sot në disa media u raportua se ish-komandanti i FSK-së, Kadri Kastrati në prag të konventës zgjedhore të PDK-së i është bashkuar kësaj partie, duke u bërë anëtar i kryesisë.

Ai në një prononcim për Indeksonline ka treguar për arsyet që e kanë shtyrë të jetë anëtar i Partisë Demokratike të Kosovës, në krye me Kadri Veselin.

“Unë nuk kam vendos të jem pjesë e PDK-së, por unë veç jam pjesë e saj, sepse është partia më e madhe në vend, i përputhet koncepteve të mia, parti e cila i ka parapri të gjitha proceseve prej luftës e pavarësisë dhe shumë proceseve tjera”, ka thënë Kastrati, duke shtuar se do të mundohet që përmes aktivitetit të tij të jap sa më shumë për partinë.

I pyetur nëse vendi shkon në zgjedhje a do të kandidoj për deputet të PDK-së, ish-komandanti Kastrati nuk e ka mohuar një gjë të tillë.

“Se do të shkoj vendi në zgjedhje, fillimisht kjo nuk varet prej meje. E nëse partia dhe kryesia e saj mendon se unë duhet të jem deputet, unë sigurisht që do të kandidoj dhe do të jem pjesë e listës së PDK-së”, ka përfunduar Kastrati. /Indeksonline/