Jep dorëheqje nga pozita e deputetit anëtari i AAK-së

Deputeti i AAK’së, Blerim Kuçi, ka folur në lidhje me dorëheqjen e tij nga pozita e deputetit të Kuvendit të Kosovës, transmeton Gazeta Metro.

Në lidhje me këtë, Kuçi në një prononcim për kallxo.com ka thënë se ka bërë kërkesën te Grupi Parlamentar i AAK’së dhe pritet të shqyrtohet. Ai ka thënë se në mbledhjen e ardhshme të partisë do të bisedohet për këtë çëshjte.

“Unë e kam bërë kërkesën në Grup Parlamentar të AAK-së dhe në parti dhe në mbledhjen e ardhshme të kryesisë do të merremi me këtë çështje. Unë mendoj se njëherë nuk mundet të bëhet sepse është votimi i buxhetit dhe po ashtu edhe jemi pa KQZ”, tha Kuçi.

Ndryshe, në janar të vitit që lamë pas, Kuçi kishte thënë se nëse në vitin 2018 nuk do të liberalizohen vizat, atëherë ai do të jap dorëheqje nga pozita e tij si deputet i Kuvendit të Kosovës.

“Të paktën do jap dorëheqje nga posti i deputetit. Ky zotim do të kryhet, siç do të realizohen edhe premtimet tjera të Haradinajt”, kishte thënë Kuçi në Rubikon të KTV-së. /