Japin dorëheqje dy drejtor të shkollave në Podujevë

Para disa ditësh PodujevaPRESS ka raportuar se Drejtoria e Arsimit është duke bërë presione ndaj disa drejtorëve të shkollave të Podujevës për të dhënë dorëheqje nga pozita ose në të kundërtë do të fillonin pricedurat ndëshkimore ndaj tyre me anë të raporteve të performancës.

Takimin e fundit të cilin Shpejtim Bulliqi e kishte mbajtur me drejtorët e të gjitha shkollave në Podujevë me qëllim të fillimit të procesit mësimorë pasi që po mbahej greva, ishte përmendur edhe fjala shkarkim, njoftonte PodujevaPRESS.net

Aty u është thënë se nëse nuk do të fillojë procesi mësimorë kryetari i komunës do të shfrytëzojë të drejtën e tij të shkarkimit të drejtorëve.

Mirëpo burimet e PodujevaPRESS kanë treguar se Dejtoria e Arsimit në Podujevë ka përdorur edhe shkopin edhe karrotën, duke u bërë ofertë disa drejtorëve të cilët janë të pa dëshiruar për Shpejtim Bulliqin se nëse japin vetë dorëheqje ata do ti marin orët mësimore në shkollat e qytetit kurse në rast se shkarkohen atëherë do të humbin këtë privilegj që gjoja se u jepet nga kjo drejtori.

Ky presion edhe ka pas sukses sepse deri tani kanë jap dorëheqje shumë drejtorë shkollash. Sipas burimeve tona i fundit që e ka ofruar dorëheqjen është drejtori i shkollës fillore “Shaban Shala” R. B.

E tani dorëheqjen e ka dhënë ditën e premte edhe Besnik Uka i cili mbante detyrën e drejtorit të Shkollës Fillore “Naim Frashëri” në Podujevë.

Arsyet e largimit të z.Uka janë sipas burimeve te portalit PodujevaPRESS kërkesa nga Drejtori i Arsimit Avni Fetahu për të dhënë dorëheqje.

E dorëheqje ka dhënë edhe drejtori i shkollës fillore “Hyzriu e Samiu” në fshatin Letanc, Kenan Blakçori. Edhe në dorëheqjen e Kenanit arsyet janë të njëjta. Kërkesa nga Drejtori i Arsimit për të dhënë dorëheqje.

Burimet tona kanë treguar se priten edhe disa drejtor shkollave të Podujevës të japin dorëheqje.