Peci dorëzohet para presionit publik: Anulon grantet për këshilltarin e tij dhe
Jakup Krasniqi thotë se Kosova dhe Katalonja nuk kanë asgjë të përbashkët
Kryetari i Këshillit Kombëtar të Nismës, Jakup Krasniqi, ka reaguar ndaj deklarimeve të zyrtarëve serbë, të cilët barazuan kërkesën për pavarësi të Katalonjës me atë të Kosovës. Krasniqi tha se këtu vetëm dëshira për pavarësi e të dy popujve mund të jetë deri diku e barabartë.
Përmes një postimi në rrjetin social Facebook ai ka shpjeguar arsyet përse rasti i Katalonjës nuk është i njëjtë me atë të Kosovës.
“Shqiptarët e Kosovës veç pavarësisë, përpjekje të tyre shekullore, pas pushtimit nga Serbia (1912) dhe copëtimit të trojeve shqiptare nga Konferenca e Ambasadorëve në Londër në verën e vitit 1913, kryeaspiratë kishin çlirimin dhe bashkimin e kombit. Ky fakt nuk ka ndodhur me Katalonjën”.
“Pra, krahasimi i pavarësisë së Kosovës me dëshirën e popullit të Katalonjës për pavarësi ka shenja barazimi, gjithçka tjetër është më shumë se e pakrahasueshme. Opinioni vendor dhe evropian ia vlen që t’i dijë dallimet e shumta që janë më shumë se të njohura, mes zhvillimeve që për një shekull kanë ndodhur në Kosovë, e që në asnjë mënyrë nuk mund të krahasohen me ato që gjatë të njëjtës periudhë kanë ndodhur në Katalonjë”, ka shkruar Krasniqi./Express/
