Ja si po mirëpriten bashkatdhetarët në Podujevë (Foto)

Në mungesë të iniciativës nga organet komunale të Podujevës, një grup i veteranëve të UÇK-së ka vendosur pano me mbishkrime Mirë se Erdhët Bashkatdhetarë, transmeton PodujevaPRESS.

Këtë iniciativë e ka mbështetur kryetari i Bashkësisë Islame në Podujevë, z. Bekim Jashari.

Ky është njoftimi i plotë:

Sot , e premte 14 korrik 2017 me iniciativën e luftëtarit të UÇK-së z.Baki Ejupit dhe mbështetjen e kryetarit të Degës së Bashkësisë Islame në Podujevë Z.Bekim Jasharit vendosëm këto dy mesazhe mirëseardhëse për bashkëatdhetarët tanë që gjenden në mërgim të cilët kanë dhënë kontribut të madh për Kosovën si gjatë luftës edhe në liri.
Gjatë kohës sa ishim duke vendosur mbishkrimet në dy pika të ndryshme në hyrje të qendrës së qytetit dhe në rrugën Podujevë-Merdarë , qytetarët të cilët vinin papushim ndiheshin të kënaqur dhe na përshëndesnin ngrohtësisht.

Vlera e UÇK-së është shumë e madhe dhe e pamohueshme.
UÇK-ja ka qenë , është dhe do të jetë e popullit gjithmonë.