Ja sa vota morën secili kandidatë nga Podujeva dhe liderët e të gjitha partive politike |Dokument

Ja sa vota morën secili kandidatë nga Podujeva dhe liderët e të gjitha partive politike |Dokument

Zgjedhjet e përgjithshme në vend të mbajtura më 11 qershor kanë zënë në befasi shumë analistë e madje edhe vetë partitë politike, njofton PodujevaPRESS.

Podujeva apo ndryshe e njohur edhe si rajoni i Llapit në legjislaturat e kaluara kishte një numër të konsiderueshëm të deputetëve, madje një pjesë e madhe jetonin për kohë të gjatë në Prishtinë, por vendlindja e tyre shërbente si bazë e forte elektorale. Viti 2017 doli të jetë më ndryshe, siç duket ishin krijuar rrethanat e reja dhe situata e po ashtu edhe mënyra e fitimit të votës pothuajse kishte ndërruar për 360 shkallë.

Lidhja Demokratike e Kosovës mbeti përsëri si parti e parë në Podujevë, por me një rënie prej 2 mijë vota nëse krahasojmë me zgjedhjet e v. 2014. Rezultat i vitit 2017 është më i ulëti në historinë parlamentare të LDK-së së Podujevës, 12,887 vota apo 39.77%.

Partia Demokratike e Kosovës nga partia e dytë e cila e mbante këtë vend që nga pas lufta, nuk arriti të ruaj trendin dhe u pozicionua si parti e tretë me 8,042 vota apo 24.84%.

Befasia e këtyre zgjedhjeve në Podujevë ishte Lëvizja Vetëvendosje e cila u rritë për më shumë se 100%, 10,592 vota apo 32.71%

Vetëm një gjë dihet se Podujevën e pret një vjeshtë e nxehtë politike, ndërsa gara se kush do të qeverisë me Podujevën do të jetë ndër më të fortat që nga paslufta, ndërsa zgjedhjet lokale pritet të mbahen me 22 tetor të ketij viti.