Ja sa është numri i fletëvotimeve të pavlefshme në votimet për kryetar të Podujevës |Dokument

Komisioni Qendror i Zgjedhjeve ka bërë shpalljen e rezultateve përfundimtare për zgjedhjet lokale të 17 tetorit në Kosovë, njofton portali PodujevaPRESS.

Sipas këtyre rezultateve, 21 komuna do të garojnë në rundin e dytë në balotazh, ndërsa në 17 komuna është vendosur fituesi në raundin e parë.

Sipas rezultateve përfundimtare të publikuara të enjten Komuna e Podujevës shkon në balotazh ndërmjet Ekrem Hysenit të LDK-së me 44.20 për qind të votave dhe Shpejtim Bulliqit të LVV-së me 44.16 për qind të votave.

Por sa ishte numri I votave të pavlefshme në fletvotimet për kryetar të Podujevës, ku në garë ishin gjashtë kandidat. Sipas publikimeve që ka bërë KQZ-ja në Podujevë janë 500 vota të pavlefshme nga numri i votuesve të cilët kanë votuar në secilin vendvotim e që është 38.104 kurse numri i votuesve të cilët kanë votuar jashtë vendvotimit (me kusht, VPNV dhe me post) është 869 që në total janë 38.973 votues.

Kujtojmë se gara e balotazhit në Kosovë mbahet më 14 nëntor./PodujevaPRESS.net/

___________________

P.S. Me që ditëve të fundit ka tendenca nga disa media për të marrë lajme nga PodujevaPRESS.net që kanë të bëjnë me Podujevën por duke mos cituar burimin e informacionit, ju njoftojmë se materialet dhe informacionet mund të kopjohen, të shtypen dhe të përdoren vetëm pas referimit të qartë të burimit të Portalit PodujevaPRESS, në përputhje me kushtet e përdorimit, në të kundërtën redaksia e portalit do të ndërmarrë të gjitha masat konform Ligjeve të aplikueshme në Republikën e Kosovës.