Ja sa është numri i fletëvotimeve të pavlefshme në Podujevë |Dokument

Komisioni Qendror i Zgjedhjeve ka bërë shpalljen e rezultateve përfundimtare për zgjedhjet lokale të 17 tetorit në Kosovë, njofton portali PodujevaPRESS.net

Sipas këtyre rezultateve, 21 komuna do të garojnë në rundin e dytë në balotazh, ndërsa në 17 komuna është vendosur fituesi në raundin e parë.

Sipas rezultateve përfundimtare të publikuara të enjten Komuna e Podujevës shkon në balotazh ndërmjet Ekrem Hysenit të LDK-së me 44.20 për qind të votave dhe Shpejtim Bulliqit të LVV-së me 44.16 për qind të votave.

Por sa ishte numri i votave të pavlefshme në fletvotimet për kryetar të Podujevës, ku në garë ishin gjashtë kandidat. Sipas publikimeve që ka bërë KQZ-ja në Podujevë janë 500 vota të pavlefshme nga numri i votuesve të cilët kanë votuar në secilin vendvotim e që është 38.104 kurse numri i votuesve të cilët kanë votuar jashtë vendvotimit (me kusht, VPNV dhe me post) është 869 që në total janë 38.973 votues.

Ndërsa në votimet për Këshilltar komunal janë 3.088 vota të pavlefshme si dhe 481 vota kanë hyrë në kuti të zbrazëta, e që është një numër shumë i madh.

Kujtojmë se gara e balotazhit në Kosovë mbahet më 14 nëntor./PodujevaPRESS.net/

KUJDES: Materialet dhe informacionet e PodujevaPRESS.net mund të kopjohen, të shtypen dhe të përdoren vetëm pas referimit të qartë të burimit të Portalit PodujevaPRESS, në përputhje me kushtet e përdorimit. Në të kundërtën redaksia do të ndërmarrë të gjitha masat konform ligjeve në fuqi në Republikën e Kosovës.