Ja pse nuk duhet të uleni me këmbët e kryqëzuara

Ky pozicion është elegant dhe tërheqës dhe shpesh shoqërohet me të qenit “më femërore” apo më “zonjushë”.

Ne jemi mësuar ta bëjmë këtë veprim pa u menduar gjatë, por pa e ditur se mund të ketë pasoja serioze.

Kjo pasi mbajtja e një qëndrimi me këmbën mbi këmbë për orë të tëra mund të çojë në një gjendje të quajtur paralizë nervore peroneale ose paralizë cerebrale.

Kjo mund të ndodhë edhe nëse uleni në një tjetër pozicion për periudha të zgjatura kohore. Por rezulton se pozicioni që ka më shumë gjasa të shkaktojë paralizë nervore peroneale është pozicioni me këmbën mbi këmbë.

Në vitin 2010, studime të ndryshme dëshmuan se kur rri ulur për një kohë të gjatë me këmbët e kryqëzuara, rritet presioni i gjakut në trup, përcjell Albeu.com. Edhe nëse nuk keni ndonjë problem me presionin e gjakut, duke iu shmangur uljes në këtë pozicion, mund të jetoni një jetë më të shëndetshme dhe të parandaloni çrregullime të mëtejshme të qarkullimit të gjakut.

Një nga arsyet për këtë është se kur ju vendosni një gju mbi tjetrin, gjaku që dërgohet nga këmbët deri në gjoks, sjell një sasi më të madhe të gjakut që pompohet nga zemra, duke bërë që ajo të rrisë presionin e gjakut.

Një tjetër shpjegim i mundshëm është se presioni i gjakut rritet për shkak të ushtrimit isometrik të muskujve të këmbëve (ushtrimi kur nyejt tuaja nuk lëvizin dhe muskujt nuk ndryshojnë gjatësinë), duke rritur rezistencën ndaj rrjedhjes së gjakut.

Kalimi i këmbës mbi këmbë në pjesën e nyejve të shputës nuk ka të njëjtin efekt siç ka kryqëzimi i këmbëve me njëra-tjetrën.

Ky pozicion gjithashtu mund të çojë në mosbalancim pelvik.

Mbajtja për një kohë të gjatë e këmbëve të kryqëzuara i bën muskujt e brendshëm të kofshës më të shkurtër dhe muskujt e jashtëm të kofshës më të gjatë duke i vënë nyejt tuaja në rrezik kur të lëvizni.

Përveç kësaj zakoni me këmbët e kryqëzuara mund të rrisë mundësitë për të zhvilluar “venat e merimangës” ose varicet.

Megjithëse faktori më i madh që kontribuon në venat me varice është gjeni juaj, kryqëzimi i shpeshtë i këmbëve mund të çojë në inflamacion të venave të ngjeshura.

Ekzistojnë valvula të vogla në enët e gjakut, që pengojnë rrjedhjen e gjakut në drejtimin e gabuar. Kur kalohen këmbët mbi njëra-tjetrën, presioni në venat tuaja rritet dhe pengon rrjedhjen e gjakut, duke shkaktuar ngushtimin dhe dobësimin e venave dhe duke lejuar rrjedhjen e gjakut në drejtim të kundërt.

Kjo mund të shkaktojë grumbullimin e gjakut në këmbë dhe t’i bëjë venat të fryhen.

Së fundi, një studim zbuloi se ulja me këmbët e kryqëzuara për më shumë se tre orë në ditë mund të zhvillojë një qëndrim të kërrusur, ulje të shpinës, dhimbje qafe dhe parehati në legenin e trupit.

Tani që keni marrë këtë informacion mundet që të paktën të shmangni herë pas herë qëndrimin me këmbët e kryqëzuara, duke larguar kështu edhe rreziqet afatshkurtra ose afatgjata.