Ja kushtëzimet që po u bëhen fermerëve të Podujevës për shitjen e mjedrave (Video/Dokument)

Nuk kanë të ndalur vështirësitë për kultivuesit e mjedrave. Përveç çmimit të ulët me të cilën po përballen fermerët llapjanë, tani u janë vënë edhe disa kushte të cilat i konsiderojnë të padrejta. Ata po detyrohen që për produktin e shitur tani, të presin për pagesë deri në maj të vitit 2018.

Pika grumbulluese e mjedrave “Agro Produkt Commerce” në fshatin Peran të Podujevës, pasi ka pranuar një sasi të konsiderueshme të mjedrës, u ka vënë kushte gjithë fermerëve që merren me këtë prodhimtari.

Ata janë të detyruar të presin për pagesë nga muaji gusht të këtij viti deri në muajin maj të vitit 2018, e në rast të humbjes së durimit për pritje për pagesë ata mund ta tërheqin mallin me -20% më pak për koston e krijuar ndaj kompanisë.

E fermerët këtë veprim e konsiderojnë të padrejtë, andaj janë ankuar dhe kërkojnë tërheqjen e këtyre kushteve.

Por sipas drejtorit të kësaj kompanie  Avni Shabani është një keqkuptim nga ana e fermerëve.

Madje thotë se me këtë veprim ua kanë lehtësuar fermerëve shitjen e mjedrave.

Ai shpreson që ky biznes të zgjerohet edhe më shumë dhe të përkrahet nga shteti, sepse konsideron se është një treg që po zbutë papunësinë në Kosovë.

Podujeva tashmë posedon mbi njëmijë hektar të mbjella me mjedër