Ja kur pritet të hapet pika e përbashkët kufitare në Mardare

Objekti i ndërtuar i Pikës kufitare në Merdare vazhdon të jetë jofunksional, ngase pala serbe nuk pranon që të zhvendoset në të, raporton KTV.

Ministri Brendshëm, Bejtush Gashi, thotë se ka kërkuar nga Bashkimi Evropian si zbatues i projektit, që të bëjë presion te pala serbe për të zbatuar marrëveshjen e IBM-it.

Pavarësisht ngecjeve, Gashi beson se në fillim të nëntorit do të bëhet funksionalizimi i plotë i kësaj pike kufitare, ngase për këtë kanë marrë zotim edhe nga Bashkimi Evropian.

Gurthemeli i kësaj pike kufitare ishte vënë në shkurt të 2017-s.

Marrëveshja për Menaxhimin e Integruar të Kufirit Kosovë-Serbi, ishte arritur në Bruksel më 2011.