Ja kur hidhet shorti për renditjen e subjekteve politike në fletëvotime për zgjedhjet në Podujevë
Të hënën në orën 11:00 bëhet hedhja e shortit për renditjen e subjekteve politike në fletëvotimet për zgjedhjet e jashtëzakonshme komunale në Podujevë, raporton KTV.
Në mbledhjen e 13-të të komisionit të KQZ-së u miratua edhe akreditimi për disa gazetarë të disa mediumeve dhe portaleve si dhe logoja dhe sigla përcjellëse në zgjedhjet e jashtëzakonshme për kryetar të Podujevës.
Zgjedhjet për kryetar të Komunës së Podujevës do të mbahen me 15 mars, ndërsa kjo Komunë ka shkuar në zgjedhje pasi kryetari Agim Veliu është zgjedhur ministër në Qeverinë e Kosovës.
