Ja çfarë përfitoi Komuna e Podujevës nga fushata “Ta pastrojmë Kosovën”

Ministri i Mjedisit dhe Planifikimit Hapësinor, Fatmir Matoshi, sot së bashku me organizatën “Let’s Do It Kosova”, kanë ndarë grantin prej 1.2 milion euro për komunat fituese të aksionit “Ta pastrojmë Kosovën”, aksion ky i cili kishte zgjatur tre muaj, në fund të vitit 2018, bëhet e ditur përmes një komunikate për media.

Përfitues të këtij granti kanë qenë dhjetë komuna të Kosovë ku me nga 150 mijë euro janë shpërblyer komunat: Ferizaj, Gjakovë, Suharekë dhe Viti ndërsa me nga 100 mijë euro janë shpërblyer Drenasi, Gjilani, Prishtina, Obiliqi, Suhareka dhe Vitia, transmeton Koha.net.

Në konferencën përmbyllëse të fushatës “Ta Pastrojmë Kosovën”, u ndanë kontejnerë dhe shporta për komunat: Junik, Han Elezit, Podujevë, Istog, Skenderaj, Malishevë, Pejë, Rahovec, Lipjan, Shtime, Deçan, Prizren e Mitrovicë.

Gjatë kësaj ceremonie, ministri Matoshi tha se fushata “Ta pastrojmë Kosovën” ka qenë ndër fushatat më të suksesshme për pastrimin e mjedisit.