Ja çfarë do të bëjë Komuna e Podujevës me kontejnerët në Lagjen e Dëshmorëve

Këshilltarët e Kuvendit Komunal të Podujevës e kanë miratuar propozimvendimin për shitjen e disa kontejnerëve në Lagjen e Dëshmorëve për t’i bërë vend vazhdimit të projektit për ndërtimin e shtëpive aty.

Me miratimin e Buxhetit të Kosovës është përfshirë edhe rekomandimi për ndarjen e 150 mijë eurove Ministrisë së Punës dhe Mirëqenies Sociale për vazhdimin e këtij projekti edhe këtë vit.

Kërkesën për shitjen e kontejnerëve në këtë lagje e ka paraqitur drejtori për Shëndetësi dhe Mirëqenie Sociale në Komunën e Podujevës, Zaim Thaçi.

“E kemi një kërkesë nga komisioni që është marrë me ndarjen e objekteve të banimit në Lagjen e Dëshmorëve.

Komisioni ka kërkuar shitjen e kontejnerëve për lirimin e hapësirës. Është paraparë që projekti për ndërtimin e shtëpive të vazhdojë, por nevojitet një hapësirë për të ndërtuar ato.

Andaj e kemi një rekomandim nga ky komision për shitjen e këtyre kontejnerëve në mënyrë që të lirohet hapësira për ndërtimin e shtëpive”, ka thënë Zaim Thaçi.

(Artikullin e plotë mund ta lexoni në “Koha Ditore”)