Ishte kuzhinier, publikohet fotografia e të vrarit në Prishtinë

Dukagjin Gashi, njëri nga grabitësit e argjendarisë në Suharekë është vrarë në një operacion të Policisë së Kosovës të enjten.

Operacioni policor është zhvilluar sot në disa lokacione. Vrasja e të dyshuarit për grabitje ka ndodhur në lagjën Arbëria të Prishtinës.

Portali Indeksonline, i cili e ka publikuar identitetin e plotë të të vrarit, raporton se ai me profesion ishte kuzhinier.

Sipas raportimeve, vëllai i Dukagjinit, Korab Gashi, është në arrati.

Gjatë aksionit është plagosur edhe një polic.