Vdes mamia llapjane Sanije Topanica, iu ndihmoi grave në lindje gjatë luftës
Ish-drejtori i Shpend Ahmetit, Sali Zyba, e kishte hequr flamurin e Kosovës nga rrethi te spitali
Deputeti i Lëvizjes Vetëvendosje, Sali Zyba akuzohej se kishte hequr flamur e Kosovës nga rrethi i njohur “te Spitali”, në hyrje të Prishtinës. Për këtë veprim, ndaj ish-drejtorit të Komunës së Prishtinës, Prokuroria Themelore e Prishtinës në vitin 2016 kishte ngritur aktakuzë “për asgjësim, ose dëmtim të pasurisë”. Por, lënda pak muaj pas ishte mbyllur.
Flamuri i Kosovës i vendosur në sheshin “Idriz Seferi”, në hyrje të Prishtinës, ishte larguar mesnatën e 27 nëntorit 2013, duke u zëvendësuar me atë kombëtar.
Për këtë veprim Prokuroria Themelore e Prishtinës kishte ngritur aktakuzë “për asgjësim, ose dëmtim të pasurisë” ndaj ish-drejtorit të Shpend Ahmeti, i cili ishte arrestuar më 29 shkurt 2016, në vendin e tij të punës në Komunën e Prishtinës.
Nga ana tjetër, së fundi Kryetari Shpend Ahmeti ka thënë se flamurin kombëtar në hyrje të Prishtinës nuk e din se kush e ka vendosur. Madje ka shtuar se flamuri në këtë rreth nuk është vendos asnjëherë nga komuna.
Në aktakuzën e ngritur ndaj deputetit Zyba, Prokuroria pretendonte se në natën kur flamuri i Kosovës, i vendosur tek rrethi qysh në shpalljen e pavarësisë më 17 shkurt 2008, ky simbol shtetëror ishte lënë në tokë, pasi ishte zëvendësuar me flamurin kuq e zi. /GazetaExpress/.
