Isak Shabani – nga lufta për liri te angazhimi për një Kosovë më të zhvilluar

Isak Shabani, një emër i njohur për kontributin e tij në çështjet kombëtare dhe zhvillimin e institucioneve shëndetësore në Kosovë, është kandidat për deputet nga radhët e Partisë Demokratike të Kosovës (PDK). Me një përvojë të pasur dhe një angazhim të pandalshëm në shërbim të vendit, ai përfaqëson një figurë të denjë për Kuvendin e Kosovës. Aktualisht deputet në Kuvendin e Kosovës, ai synon të sigurojë një mandat të dytë për të vazhduar punën e tij në interes të qytetarëve.

I lindur në vitin 1964 në fshatin Orllan të Podujevës, Isak Shabani ka një histori të gjatë dhe të lavdishme në shërbim të vendit. Si bashkëluftëtar i dëshmorit të kombit Zahir Pajaziti, ai ka dhënë kontribut të çmuar në lëvizjen për liri. Në vitin 1997, ai u arrestua nga pushteti serb dhe u akuzua për terrorizëm, duke u dënuar me 10 vite burg. Pas më shumë se katër viteve në burgjet serbe, Shabani u lirua dhe vazhdoi angazhimin e tij në ndërtimin dhe zhvillimin e Kosovës.

Në karrierën e tij profesionale, Shabani ka shërbyer si shef i Divizionit për Licencim dhe Akreditim të Institucioneve Shëndetësore dhe më pas si zëvendësues i drejtorit të Departamentit për Zhvillim Strategjik Shëndetësor. Në këto pozita, ai ka dëshmuar aftësitë e tij menaxheriale dhe vizionin për një sistem shëndetësor më të avancuar dhe efikas. Angazhimi i tij ka qenë gjithmonë i drejtuar kah përmirësimi i shërbimeve për qytetarët dhe forcimi i institucioneve shëndetësore.

Aktualisht, Isak Shabani është kryetar i degës së PDK-së në Podujevë dhe një lider i përkushtuar për të mbrojtur interesat e qytetarëve të tij. Në zgjedhjet e 9 shkurtit, ai garon me numrin 32 në listën zgjedhore të PDK-së, duke ofruar një përfaqësim të fuqishëm dhe të ndershëm për Podujevën dhe Kosovën. Me një histori të pasur personale, përvojë profesionale dhe përkushtim të pashoq ndaj vendit,

Isak Shabani është një kandidat që meriton mbështetjen e qytetarëve për të çuar përpara interesat kombëtare dhe zhvillimin e Kosovës.