Isak Shabani: Halabaku po helmohet përditë, Bulliqi shikon me dron

Kandidati për kryetar të Podujevës, Isak Shabani, ka ngritur alarmin për derdhjen e ujërave të zeza në lumin e Halabakut, duke e cilësuar këtë si një situatë urgjente që po rrezikon shëndetin e qytetarëve.

Sipas Shabanit, prej ditësh lumi po ndotet pa ndërprerë, duke sjellë aromë të rëndë, insekte dhe rrezik serioz për banorët që jetojnë pranë tij. “Halabaku nuk është privat, ai është jetë për çdo banor të Podujevës. Nuk ka justifikim për të heshtur përballë kësaj ndotjeje,” ka thënë ai.

Ai kritikoi ashpër kryetarin në ikje, Shpejtim Bulliqi, për indiferencë ndaj kësaj çështjeje. “Ndërkohë që qytetarët po vuajnë çdo ditë, Bulliqi vazhdon të shëtisë me dron dhe i sheh gjërat vetëm nga lart, por jo realitetin që ndodh poshtë,” tha Shabani.

Duke bërë thirrje për veprim të menjëhershëm, ai theksoi se bashkëpunimi i urgjent me Komunën e Prishtinës është i domosdoshëm për të ndalur ndotjen dhe për të mbrojtur lumin, qytetarët dhe fëmijët e Podujevës.