Isa Mustafa: Kandidatët për deputetë duhet t’i përkrahin orientimet evropiane, e jo ti bllokojnë ato (Video)

Në konferencën për media të LDK-së, ku u prezantua edhe aderimi i Lumir Abdixhikut, Isa Mustafa foli edhe për mundësinë e hyrjes në listë të deputetëve, Shpejtim Bulliqi i cili dje nuk u kandidua nga Dega e  Podujevës.

Sipas Mustafës, gjithçka do të vendoset sot gjatë ditës në mbledhjen e Këshillit të Përgjithshëm të LDK-së, megjithatë ai thekson se në këtë listë do të futen vetëm deputëtët të cilët përkrahin orientimet evropiane dhe nuk do i pengojnë këto orientime.

“Opsionet janë ato që kanë ardhur prej degëve, por për gjithçka do të vendoset prej Këshillit të Përgjithshëm. Kemi një përcaktim të kryesisë për listën e deputetëve duhet të jenë deputetë që duhet t’i përkrahin orientimet evropiane dhe duhet t’i përkrahin politikat e LDK-së. Të gjithë ata që përkrahin këto do të jenë pjesë e deputetëve të LDK-së”, ka thënë Mustafa./Indeksonline/