Irina Shayk dhe Bradley Cooper të emocionuar për fëmijën e tyre

Aktori i njohur amerikan Bradley Cooper dhe bashkëshortja e tij, Irina Shayk, janë në pritje të fëmijës së tyre të parë, gjinia e të cilit është preferuar të qëndrojë sekret.

Lajmi për këtë shtatzëni u bë i ditur në nëntor, pak javë para sfilatës së Victoria’s Secret Show. Më vonë, në dhjetor Irina u pa me një unazë fejese në dorë, duke dhënë idenë se ata po finalizojnë marrëdhënien e tyre.

Duket se gjithë kjo dashuri ka ndikuar edhe tek aktori, i cili sipas burimeve për “E! News” është bërë më i ndjeshëm, më i përgjegjshëm, më i dashur, më i pjekur dhe më i kujdesshëm.

“Brad është bërë më i ndjeshëm pasi pa fëmijën në ekografi. Madje ai u emocionua kur e pa për herë të parë”, kanë treguar burimet pranë çiftit për aktorin e njohur, transmeton KosovaPress.

Bebja pritet të vijë në jetë në maj të këtij viti, duke finalizuar kështu lidhjen e tyre që prej 2015.