Investitori kërkon leje për rrënimin e Sillosit në Podujevë

Në Komunën e Podujevës ka mbërritur kërkesa për rrënimin e objektit më të lartë në Podujevë, atë të Sillosit, kështu tregojnë burime brenda komunës, transmeton PodujevaPRESS.net

Gjithnjë sipas burimit tonë brenda drejtorisë së Urbanizmit ka hezitim pasi që rreziku gjatë shembjes është i madh dhe dëmet mund të jenë katastrofale për lagjet përreth Sillosit.

Investitori që ka privatizuar këtë objekt që dikur shërbente si hambar i grurit, aty mbaheshin rezervat e grurit, tani dëshiron që aty të ndërtojë objekte banesore, duke rrënuar objektin egzistues.

PodujevaPRESS ka dërguar pyetje në adresën e komunës për të pyetur se a është dhënë leja apo jo, pasi që në obrorrin e Sillosit tashmë kanë filluar rrënimi i objekteve përcjellëse, por deri më tani sikurse herave tjera nuk kemi marrë ndonjë përgjigje.