Instituti Hidrometeorologjik tregon se si pritet të jetë moti të dielën

Instituti Hidrometeorologjik i Kosovës ka njoftuar se nesër do të mbajë mot me diell dhe me vranësira të shpërndara.

Sa i përket fushave barike, IHMK thotë se ato janë në rritje dhe kështu do të vazhdojnë, duke krijuar një situatë stabile meteorologjike.

“Temperaturat minimale do të ulen deri në -1 gradë Celsius derisa në shtresat përdhese do të ketë ngrica të lehta të cilat për ngasësit në trafik do të krijojnë vështirësi.

Mjegull parashihet të ketë në ultësira”, njofton instituti.

IHMK bën të ditur se “temperaturat minimale do të lëvizin ndërmjet -1 deri në 1 gradë Celsius, ndërsa maksimalet e ditës do të arrijnë deri në 10 gradë Celsius”.