Insajderi: Këta janë biznesmenët shqiptar që u arrestuan për skandalin “Brezovica’, ka edhe nga Podujeva

Në rastin e madh të korrupsionit i njohur si “Brezovica”, ku ish kryetari i komunës së Shtërpcës Bratislav Nikoliç, u arrestua bashkë me 10 persona tjerë për përfitime mbi miliona euro në këmbim të lejeve ndërtimore në këtë zonë turistike.

Gazeta Insajderi, ka sigurur emrat e zyrtarëve dhe biznesmenëve të përfshirë në këtë skandal.

R. Hasani është biznesmen nga Podujeva. B. Imeri një biznesmen tjetër nga Shkupi por që banon në Fushë Kosovë. Në këtë aksion është arrestuar edhe H. Bajrami, sipas burimeve të Insajderit ai ka punuar si inspektor në Komunën e Shtërpcës.

Gazeta ka raportuar se të arrestuarit janë B. Nikolic, S. Milosavljevic, D. Raicevic, S. Spasic, Hysni Bajrami, R. Hsani, R. Bajrami dhe B. Imeri.

Gazeta raportoi se i arrestuar për korrupsion në rastin “Brezovica” është edhe Sasa Milosavljevic Drejtor i Kadastrit, në komunën e Shtërpcës.

Ai dyshohet për dy vepra penale “Marrje e Ryshfetit” dhe ‘Ushtrimi i ndikimit’.

Sipas Prokurorisë Milosavljevic dyshohet, se nga viti 2011-2016, si Drejtor i Kadastrit në komunën e Shtërpcës, ka keqpërdorur detyrën zyrtare me qëllim përfitimit të pasurisë për vete.