Ilaz Pireva, kryetari i Podujevës që nuk i dëshironte benefitet shtetërore

Ish Kryetari i Komunës së Podujevës Ilaz Pireva gjatë mandatit 2007-2009 asnjëherë nuk kishte pranuar të shfrytëzonte benefitet që i jipen një kryetari të komunës, transmeton PodujevaPRESS.net

Edhe pse kanë kaluar shumë vite zoti Pireva ende gëzon respektin maksimal nga qytetarët llapjan për dallim nga Agim Veliu i cili shërbeu shumë vite kryetar komune por tani po akuzohet nga vet dega e LDK-së në Podujevë për keqqeverisje.

Edhe vajza e tij ka shkruar një status u tregon se ai asnjëherë nuk i dëshirojë këto benefite.

Ilaz Pireva ka lindur më 15 nëntor 1945, Lupçi i Poshtëm, Podujevë, është filozof, dhe albanolog shqiptar.

Gjatë kohës së studimeve ishte aktiv në organizimin e demostratave studentore të vitit 1968 në Prishtinë, për ç’gjë edhe u përndjek nga pushteti i kohës dhe u dënua me vuajtje burgu. Po ashtu edhe në ngjarjet e zhvillura rreth vitit 1975 në Kosovë, pushteti nuk e kurseu Ilazin. I njohur për pushtetin si aktivist, edhe Ilazi sikur bashkëveprimtarët e tij me rastin e ngjarjeve të viteve pasuese u mbajt në izolim. Kështu vuajti izolim në vitin 1981 dhe në vitin 1989.

Pas themelimit dhe shtrirjes së rrjetës së Lidhjes Demokratike të Kosovës, Ilaz Pireva, zgjidhet kryetar i degës në Podujevë në dy mandate. Në vitin 2011, është bërë sekretar i kësaj dege si dhe ishte anëtar i KP-së të Lidhjes Demokratike të Kosovës. Në zgjedhjet parlametare për Kuvendin e Kosovës, është zgjedhur dy herë, për mandatet 2001/04 dhe 2004/07. Ndërsa në vitin 2007 vendosi të kandidojë në zgjedhjet lokale për kryetar komune në Podujevë, dhe me votë të drejtëpërdrejt fiton mandatin.

Ka qenë pjesë e kabinetit të Kryetarit të Kosovës, Fatmir Sejdiu ku, shërben si këshilltar politik për pushtet lokal.