Vdes mamia llapjane Sanije Topanica, iu ndihmoi grave në lindje gjatë luftës
Ideja për “Shqipërinë e madhe” vjen nga shërbimet e inteligjencës turke, thonë mediat serbe
Kohëve të fundit janë shtuar dyshimet se pretendimet e ribërjes së kufijve në Ballkan dhe “shpërndarjet e ideve shqiptaromëdha” vijnë nga shërbimet e inteligjencës turke.
Siç shkruan “Vecernje Novosti”, kërcënimet që kanë ardhur nga Rama e Thaçi që ndaj Serbisë arritën në mënyrë të sinkronizuar nga Tirana, Prishtina dhe Presheva janë përgatitur në Ankara, transmeton Indeksonline.
Sipas gazetës, ky informacion ka shkuar në strukturat e sigurisë serbe, dhe sipas të dhënave të tyre operative, qasja ofanzive nga strukturat e inteligjencës turke shkon nëpër Prishtinë dhe atë prej dy levave kryesore.
Kanali i parë i komunikimit dhe ndikimit arrihet përmes Agjencisë Turke për Bashkëpunim dhe Programit Koordinues në Serbi – TIKA, e cila është e fokusuar kryesisht në funksionimin e rajonit të Rashkës, por është e pranishme edhe në komunat në luginën e Preshevës.
Leva e dytë e veprimit është me takimet intensive të pjesëtarëve të inteligjencës turke me liderët shqiptarë në Preshevë dhe Bujanoc, por edhe në Kosovë.
Po sipas gazetës, të gjitha këto operacione bëhen nëpër pikat e inteligjencës turke në Prishtinë ashtu që puna e tyre subversive të qëndrojë sa më larg syve të shërbimeve serbe të sigurimit, duke treguar kështu aspiratën e fshehur të Turqisë që në një pjesë të territorit të Ballkanit të krijojë një bazë të fortë. /Indeksonline/
