I fuqishmi i LDK-së në Llap sot mbeti i vetmuar

Sjellja e Agim Veliut si kryetar dege i LDK-së në Podujevë sidomos vizita në Gjermani, dhe sulmet që ai po bënë ndaj vet kryetarit të LDK-së, si duket ka aktivizuar kryesinë qëndrore në krye me Lumir Abdixhikun që të ndërmarrin masa, njofton PodujevaPRESS.net

Dhe pikërisht sot Kuvendi i degës së LDK-së zgjodhi për kryetar dege në Podujevë doktorin Ekrem Hyseni.

I quditshëm është fakti se sot të gjithë e lanë të vetmuar njeriun i cili dikur kontrollonte gjithçka në LDK. Kishte marr shumë epitete si “musteqja”, “baba i LDK-së”, etj.

Por, kush është Agim Veliu i cili sot mbet pa asnjë funksion brenda LDK-së dhe si arriti që të jetë në pushtet për më shumë se 20 vjet.

REKLAMË: Metton Reklama

I lindur me 25.07.1960 në fshatin Bradash, komuna e Podujevës, Agim Veliu me profesion është jurist, derisa flet, përveç gjuhës Shqipe, edhe atë anglisht e serbokroatisht.

Është i martuar me Igballën dhe kanë dy fëmijë, Shkumbinin dhe Naserin.

Ish-Kryetari i Podujevës dhe ish nënkryetari i Lidhjes Demokratike të Kosovës, i cili ishte emëruar në postin e Ministrit të Punëve të Brendshme, nisi karrierën politike në vitet e 90-ta, qysh nga themelimi i degës së Lidhjes Demokratike të Kosovës në Podujevë.

Veliu ishte njëri ndër themeluesit e Lidhjes Demokratike të Kosovës në Podujevë, më vonë edhe udhëheqës i kësaj dege për shumë vjet.

Ndërsa, që nga viti 1998, Veliu është pushtet duke qenë në pozita udhëheqëse qoftë në nivelin lokal, qoftë atë qendror.

Në zgjedhjet e vitit 1998, ishte zgjedhur deputet i Kuvendit të Republikës së Kosovës, ani ato zgjedhje ishin mbajtur në kohë lufte.

REKLAMË: Llapi Petrol

Ndërsa, menjëherë pas luftës, Veliu sërish merr poste udhëheqëse, ku në vitin 2000 bëhet zëvendëskryetar i bordit Administrativ.

Po ashtu në vitin 2000, Veliu ishte bërë Kryetar i Kuvendit të komunës së Podujevës deri në vitin 2002. Por, sërish në vitin 2002, Veliu bëhet Kryetar i Kuvendit të komunës së Podujevës, post të cilin e mban deri në vitin 2004.

Mirëpo, në vitin 2004 kur mbahen zgjedhjet parlamentare, në qeverinë e krijuar mes LDK-së e AAK-së, Agim Veliu, nga niveli lokal avancohet në nivel qendror, duke marrë post ministror.

Agim Veliu, në atë qeveri ishte bërë Ministër i Arsimit, i Shkencës dhe i Teknologjisë, post të cilin e ka mbajtur nga viti 2004 deri në vitin 2007.

Pas mbajtjes së zgjedhjeve në vitin 2007, kur LDK-ja humbi zgjedhjet, Agim Veliu, bëhet deputet i Kuvendit të Republikës së Kosovës. Si përfaqësues i qytetarëve në organin me të lartë ligjvënës, Veliu qëndron për dy vjet, 2008 –2009.

Sepse, ai në zgjedhjet lokale të vitit 2009, vendos t’i kthehet sërish nivelit lokal duke kandiduar për kryetar të Podujevës, zgjedhje këto të cilat i fitoj dhe merr mandatin e kryetarit të Podujevës.

Veliu ishte bërë i pamposhtur në Podujevë, pasi që nga viti 2009, kishte fituar tri herë në zgjedhje lokale.

Post zgjedhjeve të 2009-tës, Veliu pastaj fitoi edhe në zgjedhjet tjera në vitin 2013 dhe 2017,

Agim Veliu, aktualisht është edhe kryetar i Asociacionit të Komunave të Kosovës.

ish nënkryetari i LDK-së, gjatë vitit të kaluar ishte në qendër të vëmendjes, pasi nuk lëshonte pe për koalicionin me Vetëvendosjen pa plotësimin e kërkesave të LDK-së.

Madje, jo rrallë ai u vu në qendër të kritikave dhe sulmeve nga aktivistë të partisë së Albin Kurtit.

Veliu ishte bërë hit kur në njërën nga takimet me Vetëvendosjen ku po zhvilloheshin negociatat për marrëveshje për koalicion bashkëqeverisës.

Kjo pasi nënkryetari i Vetëvendosjes Besnik Bislimi kishte treguar prapaskenat e bisedimeve, ku në njërën nga takimet, Veliu kishte thënë se “Qohuni se nuk ka asgjë”.

Megjithatë, në ditën e fundit Vetëvendosja u pajtua me kërkesat e LDK-së dhe vendosi t’ia jap pozitën e kryetarit të Kuvendit, post të cilin e mbante Glauk Konjufca, pasi ishte zgjedhur me 26 dhjetor në seancën konstituive të Kuvendit.

Por Veliu humbi Podujevën, pasi që më 29 nëntor 2020 u mbajtën zgjedhjet e jashtëzakonshme për kryetar të Podujevës, ku Nexhmi Rudari i LDK-së humbi përball Shpejtim Bulliqit I cili tani ishte me VV-në.

Veliu humbi përsëri zgjedhjet në nivel nacional por arriti të bëhet deputet.

Mirëpo me ardhjen e Lumir Abdixhikut gjërat ndryshuan.

LDK shkarkon Agim Veliun nga kryetari i degës në Podujevë.

Kryetari i Lidhjes Demokratike të Kosovës, Lumir Abdixhiku, kishte deklaruar se Agim Veliu nuk do të jetë më kryetar i degës së LDK-së në Podujevë. Kompetencat tani i kalojnë kandidatit të ri për kryetar të Komunës së Podujevës – Ekrem Hyseni.Abdixhiku pas mbledhjes së Kryesisë u shpreh se Veliu nuk ka shprehur ambicie për të rikandiduar për kryetar të Komunës së Podujevës.“Me vendim të Kryesisë, kandidati për kryetar të Podujevës është doktor Ekrem Hyseni. Dhe kryesia e LDK-së si pjesë e procesit të brendshëm vlerësues dhe organizativ i ka kaluar të gjitha kompetencat të degës, shtabit zgjedhor dhe të garës zgjedhore në Podujevë. Vendimet të njëjta do të jenë pothuajse në secilën komunë, kryetarët aktual do të kenë kompetenca strukturore të Lidhjes me qëllim të riformimit edhe të degëve edhe hapjen e dyerve të anëtarëve të rinj”, tha ai.

Por këtë vendim Veliu e kishte quajtur kundërstatutar dhe ishte ankuar duke mos njohur vendimet e nivelit qëndrorë. Agim Veliu u akuzua se ka sabotuar kandidaturen e Ekrem Hysenit për kryetar të Podujevës.

Dhe pikërisht duke pare destruktivitetin e Agim Veliut dhe qëndrimet e tij anti Lumir Abdixhikur, kryetari i LDK-së thërret Kuvendin e Degës së LDK-së në Podujevë për ta emëruar edhe zyrtarisht Ekrem Hysenin për kryetar dege.

Sot më 29 janar 2022 Hyseni me 74 vota pro, një apstemin dhe asnjë vote kundër u zgjodh kryetar i degës së LDK-së në Podujevë.